Edition
Ausfertigungen
Kopien
Drucke
Literatur
Inhalt
Kontext
Kommentar
In Nomine Sacro Sanctae et Individuae Trinitatis
Notum sit universis et singulis, quorum interest, vel quomodo libet interesse potest; Quod deducendo ad executionem perpetui, inter Serenissimos et Potentissimos Reges et Rem publicam Poloniae ab una; Electoresque Brandenburgicos, in Prussia etc. Duces, parte ab altera, foederis inconcussum robur, firmitatemque habentia pacta; Et inprimis articulum quo disponitur, ut quotiescunque novus rex electus fuerit, aut dux Prussiae in ducatum successerit, idem foedus ab utraque parte renovetur, confirmeturque iuramentis de super praestitis, per deputatos in animam principalium iurantes. Existente nunc casu novae in Republica Polonae Electionis (constitutis prius ex mutua conventione, eidem actui, die locoque infra expressis) alte memoratorum tam Regiae M[aies]t[a]tis, quam Serenitatis Electoralis deputati plenipotentiarii à parte quidem Regia magnifici et generosi Adrianus Zochowski Castellanus Visnensis, et Albertus Opacki Succamerarius Varsaviensis, Sacrae Reginalis M[aies]t[a]tis Poloniae, Pocillator, ac Camerarius Regius et Capitaneus Latoviensis. A parte vero Electorali, magnifici et generosi, Ioannes Liber Baro ab Hoverbecke in Eichmedien, Baranowo et Geyerswalde ac Domkau dominus et haeres, Serenissimi Electoris Brandenburgici Consiliarius status intimus, Electoratusque, Dapifer haereditarius, Drahimensis, Hohensteinensis Praefectus. Daniel à Tettau in Powarschen, Marckhausen Dominus et haeres, Serenissimi Electoris Brandenburgici Aulae et Legationum Consiliarius et Locensis Capitaneus, praestituta die in Arce Varsaviensi comparuerunt, post mutuasque plenipotentiarum tabulas (quarum apographa sub finem huius instrumenti de verbo ad verbum sunt inserta) rite commutatas, sequenti tenore in animas principalium iurarunt.
Nos Adrianus Zochowski, Castellanus Visnensis et Albertus Opacki Succamerarius Varsaviensis S[acrae]. Reginalis M[aies]t[a]tis Poloniae Pocillator, ac Camerarius Regius, et Capitaneus Latovicensis a Serenissimo et Potentissimo Principe Domino, Domino Michaele Dei gratia Rege Poloniae, Magno Duce Lithuaniae, Russiae, Prussiae, Masoviae, Samogitiae, Livoniae, Kiioviae, Volhyniae, Podoliae, Podlachiae, Smolensciae, Severiae, Czerniechoviaeque ad renovationem et confirmationem pactorum, quae die 19 septembris Velaviae, tum die 6. novembris Bydgostiae, anno 1657 cum Seren[issi].mo Principe Domino Friderico Vilhelmo Marchione Brandenburgico, Sacri Romani Imperii Archicamerario, et Principe Electore in Prussia, Magdeburgi, Juliae, Cliviae, Montium, Stetini, Pomeraniae, Cassubiorum, Vandalorumque, nec non in Silesia, Crosnae et Carnoviae Duce, Burggravio Norimbergensi, Principe Halberstadii, Mindae et Camini, Comite Marcae et Ravensbergi, Domino in Ravenstein, Lauenburg et Büttau. Nomine inclyti Regni Poloniae et Magni Ducatus Lithuaniae, conclusa et stabilita, et per constitutionem omnium ordinum totius Reipublicae approbata et confirmata sunt, deputati commissarii, nomine eiusdem S[acrae]. R[egiae]. M[aiesta].tis Poloniae, eiusque Successorum Regum. Quandoquidem praefata pacta sua Electoralis Serenitas per Illustrissimos et Excellentissimos D[ominus]. Ioannem Liberum Baronem ab Hoverbecke, et Danielem à Tettau, deputatos Suae Serenitatis Electoralis, plenipotentiaros, in instanti quoque ratihabet et iuramento confirmat. Nos ex vi specialis mandati in animam eiusdem S[acrae]. R[egiae]. M[ajes]t[atis] iuramus, Quod Sacra Regia M[aies]t[a]s praedicta pacta, in omnibus articulis, punctis et clausulis observatura sit, nec iisdem sive directe sive indirecte contraventura, aut contraveniri à subditis passura sit. Sic ipsam et Nos DEUS adiuvet per haec Sancta Dei Evangelia Amen.
Ioannes L[iber]. B[aro] ab Hoverbecke Serenissimi Electoris Brandenburgici Consiliarius status intimus, et deputatus plenipoitentarii
Daniel à Tettau Serenissimi Electoris Brandenburgici Consiliarius Aulae Legationum, et Deputatus Plenipotentiarius.
Formula iuramenti legationem Electoralium. Nos Ioannes L[iber] B[aro]. ab Hoverbecke et Daniel à Tettau a Serenissimo et Potentissimo Principe ac Domino, Domino Friderico Wilhelmo, Marchione Brandenburgico, Sacri Romani Imperii Archicamerario et Principe Electore, in Prussiae, Magdeburgi, Iuliae, Cliviae, Montium, Stetini, Pomeraniae, Cassubiorum, Vandalorumque, nec non in Silesia, Crosnae et Carnoviae Duce, Burggravio Norinbergensi, Principe Halberstadii, Mindae et Camini, Comite Marcae et Ravensbergi, Domino in Ravenstein, Lauenburg et Bütow;
Ad renovationem et confirmationem pactorum, quae die 19. septembris Velavie, tum die 6. novembris Bydgostiae, anno 1657 cum Rege et Regno Poloniae, item cum Magno Ducato Lithuaniae Sua Serenitas Electoralis iniit;
Adrianus a Krajewo Zochowski Castellanus Terrarum Visnensium mppr.
Albertus Opacki Succamerarius Varsaviensis mppr.
Utque huius rei ad posteritatem constet memoria fidesque, duo exemplaria eiusdemque tenoris confecta, manibusque ac sigillis propriis partium munita ac firmata sunt.
Sequitur Apographum Mandatorum tam S[acrae].R[egiae]. M[ajestati]s, quam Suae Ser[enitat]is Electoralis
Michael Dei gratia Rex Poloniae, Magnus Dux Lithuaniae, Russiae, Prussiae, Masoviae, Samogitiae, Kiioviae, Volhyniae, Livoniae, Smolensciae, Severiae, Czerniechoviaeque notum testatumque facimus per praesentes, quod cum pactis Bydgostiensibus cautum sit, ut pacta illa quae Nobis et Regno Poloniae, ac Magno Ducatui Lithuaniae cum Sere[nissi]mo Principe D[omi]no Friderico Wilhelmo, Marchione Brandenburgensi, Sacri Romani Imperii Archi Camerario et Principe Electore in Prussiae, Magdeburgi, Iuliae, Cliviae, Montium, Stetini, Pomeraniae, Cassubiorum, Vandalorumque nec non in Silesia Crosnae, et Carnoviae, Duce, Burggravio Norinbergensi, Principe Halberstadii, Mindae et Camini, Comite Marcae et Ravensbergi; Domino in Ravenstein, Lauenburg et Bütau intercessunt, quotiescunque novus Rex Poloniae electus fuerit, ab utraque parte renoventur et confirmentur, iuramento de super praestito, per deputatos in animam principalium iurantes. Nos praedictis pactis satisfaciendo, magnificis et generosis Adriano Zochowski Castellano Visnensi, et Alberto Opacki Succamerario Varsaviensi Serenissimae et Potentissimae Reginae, Consortis Nostrae Charissimae Pocillatori et Camerario Nostro, Capitaneo Latovicensi in mandatis dederimus, ut supermemoratis pactis Bydgostiensibus iuramentum in animam Nostram praestent, atque ex altera parte per deputatos electorales, praestandum audiant et excipiant. Quemadmodum praesentibus hisce ipsis iniungimus, ut mediante tali iuramento pacta ista renovent, confirment, eorundemque observantiam a parte Nostra promittant; prout et hisce praesentibus illam facultatem et plenipotentiam praedictis legatis nostris damus et concedimus, ratihabentes omnia, quae hac in parte iuxta pactorum tenorem, acturi sunt. In cuius rei fidem hanc Nostram plenipotentiam manu Nostra subscriptam sigillo Regni communiri iussimus. Datum Varsavie die XXII mensis martii anno Domini 1672 Regni Nostri Tertio. Michael Rex
Nos Fridericus Wilhelmus Dei gratia Marchio Brandenburgicus, Sacri Romani Imperii Archicamerarius et Princeps Elector, Prussiae, Magdeburgi, Iuliae, Cliviae, Montium, Stetini Pomeraniae, Cassubiorum Vandalorumque, nec non in Silesia Crosnae, et Carnoviae Dux, Burggravius Norinbergensis, Princeps Halberstadii, Mindae et Camini, Comes Marcae et Ravensbergi, Dominus in Ravenstein, Lawenburg et Bütau. Manifestamus praesentibus et contestamur; Quod cum pactis Bydgostiensibus cautum sit, ut pacta illa, quae Nobis cum Seren[issi].mo et Potent[issi].mo Rege et Regno Poloniae, ac Magno Ducatu Lithuaniae, intercedunt, quotiescunque novus rex Poloniae electus fuerit, ab utraque parte renovent et confirment, iuramento de super praestito, per deputatos in animam principalium iurantes, Nos praedictis pactis satisfaciendo, magnificis et generosis Consiliario Nostro Status intimo, Aulae et Legationum Consiliario et Capitaneo Locensi, sincere et fideliter Nobis dilectis, Ioanni Libero Baroni ab Hoverbecke, in Eichmedien, Baranowo et Geyerswalde, Electoratus Nostri Dapifero haereditatio, et Danieli a Tettau in mandatis dederimus, ut praestito prius iuramento, super pactis a deputatis Regiis in animam Suae R[egis]. M[aies]t[a]tis iuramentum istud, a parte Nostra in animam Nostram praestent. Quemadmodum praesentibus hisce ipsis iniungimus, ut mediante tali iuramento pacta ista renovent, confirment, eorundemque observantiam a parte Nostra promittant. Prout et hisce praesentibus illam facultatem et plenipotentiam praedictis deputatis nostris damus et concedimus. Ratihabentes omnia, quae hac in parte iuxta pactorum tenorem acturi sunt. In cuius rei fidem hanc Nostram plenipotentiam manu Nostra subscripsimus, sigilloque Nostro Electorali firmari iussimus. Dabatur in Arce Nostra Coloniae ad Spream, die nona decembris a 1671
Fridericus Wilhelmus Elector. Locus Sigilli
Actum et Datum in Arce Varsaviensis die XXVI mensis martii anno Domini 1672
Adrianus Zochowski à Krasowo, Castellanus Terrarum Visnensium mppr
Albertus Opacki ut supra mppr.
Jo[hann]es L[iber].B[aro]. ab Hoverbecke Ser[enissim].i et Pot[e]n[tissim]i Electoris Brandenb[urgici]. Deputatos plenipotentiarios mmpr.
Daniel à Tettau Ser[enissi].mi Pot[entissi].mi El.[ector]is Brandenb[urigci]. deputatos plenipotentiarios mppr.,
4 LS
Fenster schliessen
nach oben